VOV4.Êđê- Hŏng ai tiê thâo mpŭ, aguah mbrue (26/5), ti sang yang Quán Sứ, Hà Nội, Anôk bruă kiă kriê klei đăo Yơng Việt Nam mkŏ mjing leh klei mđung rup trực tuyến knăm prŏng Phật Đản; Phật lịch 2565 thŭn 2021.Khua knŭk kna Phạm Minh Chính mơĭt leh čăp mnga hơêč hmưi. Klei bhiăn mkŏ mjing mâo leh phung khua kiă kriê klei đăo yơng mkŏ mjing lehanăn mđung trực tuyến mkŏ truh hŏng jih jang phung đăo yơng hlăm dŭm boh sang yang klei đăo yơng Việt Nam, lehanăn hlăm hdră mđung rup An Viên truh kơ jih jang phung đăo yơng hlăm kluôm ala.

Kyua klei ruă tưp dleh dưi ksiêm dlăng, snăn jih jang phung đăo yơng truă čhiăm guôm ƀô̆ hluê ngă djăp ênŭm 5 mta klei mtă, lehanăn mkŏ mjing knăm bi hdơr hlăm klei thâo mpŭ. K’iăng khua kiă kriê klei đăo Yơng gưl dlông Việt Nam Thích Đức Thiện kiă kriê klei bi kƀĭn brei thâo, anei jing bruă yuôm bhăn, pioh đru kơ phung đăo yơng bi êdah ai tiê thâo mpŭ kơ klei đăo, hlăm bruă ngă bi mnei kơ yang yơng, lehanăn bi êdah ai tiê thâo bi đru, bi mguôp, hrăm mbĭt hŏng êpul khua kiă kriê klei đăo yơng Việt Nam, hrăm mbĭt hŏng djuê ana msưh kdŭn klei ruă tưp./.

Pô mblang: Y-Khem Niê