VOV4.Êđê- Sang mnă Sơn La (hlăm ƀuôn hgŭm Tô Hiệu, ƀuôn prŏng Sơn La, čar Sơn La) jing knhuah gru ala čar, grăp thŭn drông giăm 300 êbâo čô tuê hiu čhưn ênguê mơ̆ng dŭm čar, ƀuôn prŏng hlăm kluôm ala lehanăn tar rŏng lăn hriê čhưn, ksiêm dlăng kơ hƀuê ênuk sang mnă. Sang mnă Sơn La mâo phung Prăng rŭ mdơ̆ng hlăk thŭn 1908. Tinei krư̆ kđăl leh 1.007 čô mnă jing phung cộng sản, jing sang hră bruă krŭ kdơ̆ng, anôk mjut mjing “Mjeh hrah” mơ̆ng hdră krŭ kdơ̆ng Việt Nam.

 Anei jing sa hlăm dŭm anôk hiu čhưn ênguê hƀuê ênuk yuôm bhăn lehanăn jing “Wăl anôk hrah” čiăng mtô mblang, mjuăt bi hriăm knhuah gru krŭ kdơ̆ng kơ phung gưl hđeh hĭn mơh lŏ mpŭ, ktưn hưn kơ knhuah gru krŭ kdơ̆ng mơ̆ng djuê ana. Găn lu blư̆ lŏ mkra lehanăn tui duah thiăm hră m’ar, mnơ̆ng dhơ̆ng djŏ tuôm, Sang mnă Sơn La gĭr mđĭ lar boh tŭ yuôm mơ̆ng knhuah gru hlăm hdră mjuăt bi hriăm knhuah gru krŭ kdơ̆ng kơ ênuk gưl hđeh lehanăn phung tuê nao čhưn dlăng./.

Pô mblang: H’Nêč Êñuôl