VOV4.Êđê- Mđing truh asăp iêu mthưr mơ̆ng Khua knŭk kna kơ bruă ba vaccin gang mkhư̆ klei ruă Covid-19 hŏng grăp čô mnuih, Knơ̆ng bruă pui kmlă Dak nông đru dŭm êtuh êklăk prăk hlăm Keh vaccin gang mkhư̆ klei ruă Covid-19 čiăng đru mguôp, hrăm mbĭt hŏng kluôm ala msưh kdŭn klei ruă Covid-19, knuă druh, mnuih mă bruă Knơ̆ng bruă pui kmlă Dak Nông đru leh êbeh 200 êklăk prăk hlăm Keh vaccin gang mkhư̆ Covid-19 mơ̆ng čar.

Mbĭt hŏng anăn, Knơ̆ng bruă ăt nao čhưn, mđup brei kơ Anôk bruă mdrao mgŭn ƀuôn prŏng Gia Nghĩa sa boh masin mkă hnơ̆ng hlơr asei mlei, kdrăp mdjiê kman leh anăn dŭm êtuh blah čhiăm guôm ƀô̆. Anôk bruă mđup brei kơ Anôk bruă mdrao mgŭn ƀuôn hgŭm Nghiã Tân, ƀuôn prŏng Gia Nghiã 3 boh masin mkă hnơ̆ng hlơr asei mlei djă kngan leh anăn čhiăm guôm ƀô̆ kơ phung knuă druh, mă bruă hlăm hdră ngă bruă klam.

Pô mblang: H’Zawut Ƀuôn Yă