VOV4.Êđê- Knơ̆ng bruă sang čư̆ êa čar Dak Nông mrâo mâo hră mơar gĭt gai kƀĭn pŏk ngă bi jăk dŭm hdră gang mkhư̆ klei ŭn ruă tian ô̆ eh ti čar, boh nik ti kdriêk Tuy Đức. Hluê anăn, klei ŭn ruă tian ô̆ eh mrâo mâo ti sa gŏ êsei rông ŭn ti kdriêk Tuy Đức, ngă kơ 2 drei ŭn mâo klei ruă, nao čuh dơr. Ti anăp klei anei, Knơ̆ng bruă sang čư̆ êa čar mtă kơ Knơ̆ng bruă lŏ hma - mđĭ kyar krĭng ƀuôn sang, dŭm kdriêk, ƀuôn prŏng leh anăn anôk bruă djŏ tuôm mkŏ mjing ngă bi jăk dŭm hră mơar êlâo dih mơ̆ng čar kơ bruă gang mkhư̆ klei ŭn ruă tian ô̆ eh, amâo brei klei ruă anei tưp lar ti lu anôk. Knơ̆ng bruă sang čư̆ êa kdriêk Tuy Đức pral mkhư̆ klei ruă tưo, mjêč mdjiê kman krĭng wăl mâo klei ruă tưp. Kdriêk Tuy Đức leh anăn bruă djŏ tuôm duah mta phŭn ba klei ŭn riă tian ô̆ eh, hmao gang mkhư̆, amâo brei klei ruă tưp lar.

Pô mblang: H’Zawut Ƀuôn Yă