VOV4.Êđê - Êjai dôk guôn Phŭn bruă Lŏ hma mđĭ kyar krĭng ƀuôn sang lehanăn čar Gia Lai akâo bi mlih dŭm êbâo ha lăn dliê jing lăn ngă lŏ hma kñăm mjing krĭng krih êa kơ Knơ̆ng kdơ̆ng êa Ia Mơr, Anôk kriê dlăng hdră duh bi liê lehanăn mkŏ mkra knơ̆ng kdơ̆ng êa mrô 8 - Phŭn bruă Lŏ hma mđĭ kyar krĭng ƀuôn sang maoa leh hră m’ar akâo duh bi liê mkŏ mjing mnuôr mđoh êa, mkăp kơ hdră krih êbeh 1 êbâo ha mnơ̆ng pla ti lăn ngă lŏ hma ti Ia Mơr. Anei dưi dlăng jing sa hdră msir kñăm bi hrŏ klei luič liê mơ̆ng hdră bruă knơ̆ng kdơ̆ng êa 3 êbâo êklai prăk ti krĭng knông lăn.

Ară anei, khădah dôk ti tluôn hdră bruă knơ̆ng kdơ̆ng êa Ia Mơr, ƀiădah êbeh 1êbâo ha lăn ngă lŏ hma ti să Ia Mơr ăt kƀah êa nanao. Čiăng mkăp kơ hdră krih hlăm ênhă anei, hluê si hră m’ar ba mdah, Anôk kriê dlăng hdră duh bi liê lehanăn mkŏ mkra knơ̆ng kdơ̆ng êa mrô 8 tĭng srăng mkŏ mkra dŭm mnuôr mđoh êa ti krĭng nah Ngŏ, nah Yŭ lehanăn anôk Pom hŏng boh taih giăm 15km, hlăm brô 180 hdră bruă mnuôr mđoh êa čiăng mkăp êa kơ êbeh 1 êbâo ha mnơ̆ng pla. Ênoh duh bi liê truh 50 êklai prăk, tĭng srăng ba yua phŭn mkăp prăk adôk mơ̆ng hdră bruă Ia Mơr wưng tal 2 lehanăn prăk dub bi liê mkăn mâo Phŭn bruă Lŏ hma mđĭ kyar krĭng ƀuôn sang kriê dlăng./.

H Nêč pô mblang