VOV4.Êđê -  Tui si klei knơ̆ng bruă sang čư̆ êa ƀuôn prŏng Hồ Chí Minh akâo blei vaccine gang mkhư̆ klei ruă tưp Covid 19, k’iăng khua knŭk kna Vũ Đức Đam mrâo mâo leh klei tŭ ư hŏng klei anăn, klei mkŏ mjing bruă hlue ngă djŏ hŏng klei bhiăn amâo mâo lĕ hlăm klei bi mmiă, amâo mâo duah mđĭ ênoh ôh. Bruă tlŏ vaccine gang mkhư̆ klei ruă tưp covid 19, knŭk kna mâo leh hdră mtrŭn mrô 21/NQ-CP hrue 26/2/2021, hlăm anăn mâo dŭm bruă mđĭ ai dŭm êpul êya, bruă lehanăn mnuih mâo klei čiăng. Phŭn bruă mdrao mgŭn mâo bruă klam brei klei dưi, ksiêm bi mklă, kiă kriê hnơ̆ng jăk vaccine djŏ hŏng mta mtrŭn, ktrâo atăt bruă tlŏ mgang, rơ̆ng bi mâo klei êđăp ênang, lehanăn tŭ dưn./.

Y Khem pô mblang