VOV4.Êđê - Hlăm ênoh 272 čô hdĭp, mă bruă, hriăm hră ti ƀuôn prŏng Hồ Chí Minh mrâo mâo čar Kon Tum drông wĭt, mâo 4 čô djŏ kman Sar CoV2. Hlăm anăn mâo 2 čô ti ƀuôn prŏng Kon Tum lehanăn 2 čô ti kdriêk Tu Mơ Rông.

Jih 4 čô anei mâo leh Anôk bruă ksiêm dlăng klei ruă tưp čar Kon Tum hluê ngă hdră ksiêm mkă tal 1 hluê kdrăp RT-PCR brei ƀuh djŏ kman Sar Cov2. Leh hmao ƀuh, mnuih ruă anei dưi ba bi ktlah ti anôk dŏng mdrao. Anôk bruă mdrao mgŭn alŭ wăl dưi bi mklă leh 24 čô F1. Knơ̆ng bruă mdrao mgŭn čar Kon Tum brei thâo, ti alŭ wăl mrâo mâo sa čô mă bruă mdrao mgŭn bi tuôm giăm hŏng mnuih djŏ Covid 19 lehanăn 1 čô lŏ wĭt djŏ kman Sar CoV2./.

H Nêč pô mblang