VOV4.Êđê- Aguah hruê 2/6, ti wăl msat kahan djiê êngiă kdriêk knông lăn Ngọc Hồi, hlăm ai êwa mpŭ, bruă Đảng čar, Hội đồng nhân dân, Anôk bruă sang čư̆ êa, anôk bruă mặt trận čar kwar Việt Nam čar Kon Tum mkŏ mjing leh Knăm ba dơr 9 klang kleh phung kahan ba anăp lehanăn phung thơ̆ng kơ bruă Việt Nam săn asei djiê êngiă hlăm ênuk gưl bi blah mâo Êpul K53 hrui mƀĭn ti 3 čar krĭng Dhŭng ala čar Lao yan bhang mrâo êgao.

Kñăm gang mkhư̆ klei ruă Covid 19, knăm čang ênuh, ba dơr klang kleh phung kahan djiê êngiă mâo leh čar Kon Tum mkŏ mjing hŏng klei khuăt, bi hrŏ ênoh mnuih nao ti knăm anei lehanăn dôk bi ngi mbĭt anăn hluê ngă kjăp hdră gang mkhư̆ klei ruă Covid 19.

Hlăm 9 klang kleh mâo ba dơr ti wăl msat kahan djiê êngiă kdriêk knông lăn Ngọc Hồi, čar Kon Tum, mâo 1 klang kleh dưi hrui mƀĭn ti čar Chămpasắc; 6 klang kleh dưi hrui mƀĭn ti čar SêKông lehanăn 2 klang kleh dưi hrui mƀĭn ti čar Attapư./.

Pô mblang: H’Nêč Êñuôl