VOV4.Êđê- leh êbeh 2 mmông hiu duah, êpul bruă djŏ tuôm kdriêk Ngọc Hồi, čar Kon Tum ƀuh leh keh anăn ba 6 F0 tlĕ đuê̆ lŏ wĭt kơ anôk mdrao mgŭn.   Krĭng wăl epeul bruă djŏ tuôm ƀuh 6 F0 tlĕ đuê̆ jing hlăm sa đang ksu ti să Đăk Man, kdriêk Ngọc Hồi.  Leh tlĕ đuê̆ mơ̆ng anôk mdrao mgŭn F0 ti sang êa drao prŏng kdriêk Ngọc Hồi, kyua amâo mâo ôh êdeh êdâo anăn jih 6 F0 êbat jơ̆ng leh anăn truh mmông êpul bruă djŏ tuôm ƀuh ka bi tuôm giăm hŏng pô mkăn ôh.

Êlâo anăn hlăm brô 12 mmông yang hruê 11/11 mâo 6 čô djŏ kman SARS-CoV-2 tlĕ đuê̆ mơ̆ng anôk mdrao mgŭn F0 ti sang êa drao prŏng Ngọc Hồi. Năm čô F0 anei pô ƀiă thŭn hĭn mrâo 16 thŭn, khua hĭn 19 thŭn leh anăn jing mnuih Bahnar dôk ti să Ngọc Bay, ƀuôn prŏng Kon Tum. Hlăm anăn pô đih mdrao hnưm hĭn hlăm hruê 28/10 leh anăn mrâo hĭn hruê 6/11 mrâo êgao.

Pô mblang: H’Zawut Ƀuôn Yă