VOV4.Êđê-  Hlăk dôk mđĭ hdră gang mkhư̆ klei ruă Covid 19, anôk bruă tuh tia mnia mblei čar Kon Tum pral mâo hdră ksiêm, kriê dlăng phŭn mkăp mnơ̆ng dhơ̆ng čiăng bi h’ĭt ênoh čhĭ. Anôk bruă tuh tia mnia mblei Kon Tum mă leh bruă hŏng grăp êpul êya mkăp mnơ̆ng čiăng mđĭ ênoh mnơ̆ng dhơ̆ng mkăp pioh kñăm rơ̆ng mâo djăp mnơ̆ng yua kơ mnuih ƀuôn sang lehanăn bi h’ĭt ai tiê mnuih ƀuôn sang hlăm wưng hluê ngă hdră gang mkhư̆ klei ruă Covid 19.

Ară anei, dŭm boh siêu thị, anôk čhĭ mnơ̆ng, dŭm êpul êya kah mbha mnơ̆ng pral mâo hdră mkăp pioh mnơ̆ng dhơ̆ng, đĭ mơ̆ng 15 – 20% mkă hŏng klei čiăng mơ̆ng yang đar. Ti dŭm anôk sang mnia aguah tlam, mnơ̆ng dhơ̆ng ăt lu mkăp kơ klei čiăng blei yua mơ̆ng mnuih ƀuôn sang./.

Pô mblang: H’Nêč Êñuôl