VOV4.Êđê - Klei mrâo mơ̆ng bruă sang čư̆ êa kdriêk Sa Thầy, čar Kon Tum brei thâo, tlam hruê 5/5, anôk bruă mdrao mgŭn ngă leh klei bi ktlah hŏng sa čô F1 mơ̆ng sa čô mâo klei ruă tưp Covid-19 ti čar Vĩnh Phúc lehanăn dôk tui duah mjêč phung mâo klei bi tuôm čiăng gang mkhư̆ klei ruă tưp.

Pô jing F1 anei jing sa čô mă bruă ti sang mmuñ Karaoke FoCus, mrô 01D, êlan Kim Ngọc, să Tích Sơn, kdriêk Vĩnh Yên, čar Vĩnh Phúc mơ̆ng thŭn 2019 truh kơ ară anei. Knhuang tal êlâo, anôk bruă mdrao mgŭn kdriêk Sà Thầy dưi bi klă leh 6 čô mnuih jing F2 mơ̆ng L.T.T.T lehanăn dưi ba 5 čô nao bi ktlah ti anôk bi ktlah hlăm kdriêk. Bruă sang čư̆ êa lehanăn knơ̆ng bruă mdrao mgŭn kdriêk Sa Thầy lŏ dôk ngă klei tui duah dŭm čô jing F3 čiăng dưi čih yap lehanăn ngă klei bi ktlah hlăm sang, mbĭt hŏng anăn lŏ ngă kjăp hĭn dŭm hdră gang mkhư̆ klei ruă tưp Covid-19.

Y Khem pô mblang