VOV4.Êđê-  Amâo knŏng dêč đuê̆ kơ bruă ksiêm dlăng klei ruă tưp Covid-19, Phan Trọng Hậu lŏ wĭt čăm 2 čô kahan ksiêm hlăm êlan klông êjai tiŏ mă ñu. Klei anei mâo ti anôk ksiêm dlăng klei ruă tưp Covid-19 mrô 2 ti čar Kon Tum, ti anôk mdei êdeh čŭn čư̆ lơ xor - êlan dơ̆ng Hồ Chí Minh (km mrô 1414 + 600), ti anôk drai Đăk Če, alŭ Măng Khênh, să Đak Man, kdriêk Đăk Glei. Phan Trọng Hậu, 29 thŭn, dôk ti čar Tây Ninh nao găn êlan dơ̆ng Hồ Chí Minh hŏng êdeh p’phŭt mrô 60B4 - 46481 mơ̆ng kdriêk Phước Sơn, čar Quảng Nam nao kơ kdriêk Đăk Glei, čar Kon Tum.

Leh ngă klei čăm 2 čô kahan ksiêm êlan klông, 2 čô kahan ksiêm mbĭt hŏng kahan ksiêm hlăm să Đăk Man mkhư̆ hĕ ñu. Ară anei, bruă anei dôk mâo klei ksiêm dlăng lehanăn bi mklă mơ̆ng kahan ksiêm kdriêk Đăk Glei, čar Kon Tum.

Pô mblang: Y-Ƀel Êban