VOV4.Êđê - Hgŭm kngan đru gang mkhư̆ klei ruă Covid 19, mđĭ lar ai tiê ba anăp, mĭn mrâo mơ̆ng phung êdam êra, bruă Đoàn čar Kon Tum mkŏ mjing leh 12 êpul ba anăp nao đru kơ hdră gang mkhư̆ klei ruă Covid 19.

Leh dưi mkŏ mjing, dŭm êpul ba anăp anei nao đru leh kơ hdră tlŏ vaccine gang mkhư̆ Covid 19 ti dŭm anôk tlŏ mgang hlăm alŭ wăl čar, đru dŭ mdiăng mnơ̆ng dhơ̆ng, tŭ mă mnơ̆ng dhơ̆ng nao mbha kơ dŭm anôk bi ktlah, anôk ksiêm dlăng klei ruă tưp; mkăp kơ dŭm anôk tŭk knă êsei djam ti dŭm anôk bi ktlah. Mbĭt hŏng bruă mkŏ mjing 12 êpul ba anăp nao đru kơ hdră gang mkhư̆ klei ruă Covid 19, Bruă Đoàn čar Kon Tum ăt đru kơ kdrăp mnơ̆ng gang mkhư̆ klei ruă kơ dŭm êpul ba anăp nao gang mkhư̆ klei ruă tưp./.

H Nêč pô mblang