VOV4.Êđê- Mmăt mbruê 21/6, ti ƀuôn prŏng Kon Tum, bruă Đảng čar, êpul gơ̆ng bruă ƀuôn sang, bruă sang čư̆ êa, dhar bruă mặt trận čar Kon Tum mkŏ mjing leh knăm mtrŭt mjhar lehanăn tŭ mă prăk đru “Keh vaccine gang mkhư̆ klei ruă tưp Covid-19 čar Kon Tum”. hlăm knăm anăn, leh klei iêu mthưr mơ̆ng khua bruă sang čư̆ êa Lê Ngọc Tuấn, mâo dŭm êtuh čô mnuih, anôk bruă, êpul êya, knơ̆ng bruă hlăm čar lehanăn êngao čar mâo leh klei bi mguôp lehanăn ngă bruă bi mklă srăng bi mguôp kơ keh anăn.

Bi ruê knăm mtrŭt mjhar lehanăn tŭ mă prăk đru kơ “Keh prăk vaccine gang mkhư̆ klei ruă tưp Covid-19 čar Kon Tum”. Êpul mkŏ mjing tŭ mă leh klei đru mơ̆ng dŭm anôk bruă, alŭ wăl, knơ̆ng bruă, pô mâo ai tiê kmah, dŭm gưl mnuih ƀuôn sang hlăm čar lehanăn êngao čar hŏng ênoh prăk êbeh 13 êklai prăk, hlăm anăn mâo 250 êklăk prăk mơ̆ng bruă Đảng čar, bruă sang čư̆ êa lehanăn mnuih ƀuôn sang čar Attapư, ala čar Lào đru kơ bruă gang mkhư̆ klei ruă tưp Covid-19 čar Kon Tum.

Pô mblang: Y-Khem Niê