VOV4.Êđê- Kñăm mđĭ boh tŭ dưn hdră gang mkhư̆ klei ruă Covid 19, Anôk bruă sang čư̆ êa čar Kon Tum lŏ bi mklă leh hdră mkŏ mjing 6 anôk gak răng kñăm ksiêm dlăng kjăp klei ruă ti alŭ wăl čar, hlăm anăn jao kơ Khua anôk bruă sang čư̆ êa dŭm kdriêk, ƀuôn prŏng ngă khua anôk gak răng. Hluê bi klei bi mklă mơ̆ng Khua anôk bruă snag čư̆ êa čar Kon Tum, mâo 6 anôk gak răng kñăm ksiêm dlăng kjăp klei ruă Covid 19 ti alŭ wăl čar dưi ngă leh čiăng mđĭ boh tŭ dưn hdră gang mkhư̆ klei ruă.

6 anôk gak răng anei dưi kah mbha ti dŭm ktuê êlan prŏng mơ̆ng čar, msĕ si Êlan dơ̆ng prŏng mrô 14 – êlan Hồ Chí Minh – kdrêč mơ̆ng nah Dưr lehanăn nah Dhŭng čar Kon Tum; êlan ktlah mpă Đông Trường Sơn lehanăn êlan dơ̆ng prŏng mrô 24 – siă knông hŏng čar Quảng Ngãi; kban Sê San 4, ti êlan dơ̆ng prŏng 14C lehanăn êlan dơ̆ng prŏng mrô 40B ti anôk mkŏ plah wah kdriêk Nam Trà My, čar Quảng Nam hŏng să Ngọc Lây, kdriêk Tu Mơ Rông.

                                                    Pô mblang: H’Nêč Êñuôl