VOV4.Êđê- Hlăm 10 čô mgơ̆ng asei, phung nao plĕ hră čar Kon Tum dưi čuăn ruah leh 6 čô jing pô bi ala Quốc Hội gưl 15.

Klă klơ̆ng dŭm čô mnuih dưi čuăn ruah anăn jing: Nguyễn Văn Hùng, khua bruă Đảng gưl dlông, khua phŭn bruă dhar kreh, mjuăt asei mlei lehanăn hiu čhưn ênguê, aduôn Trần Thị Thu Phước, mnuih djuê anăn Xơ Dang, k’iăng khua kiă kriê kahan ksiêm čar Kon Tum, Tô Văn Tám  k’iăng khua êpul bi ala Quốc Hội čar Kon Tum, khua hlăm bruă klei bhiăn Quốc Hội, Phạm Đình Thanh, khua knơ̆ng bruă klei bhiăn čar Kon Tum, khua hlăm bruă klei bhiăn mơ̆ng Quốc Hội, U Huấn khua hlăm bruă Đảng gưl dlông, khua bruă Đảng čar, khua kiă kriê bruă knuă hlăm čar Kon Tum, aduôn Nàng Xô Vi, mnuih djuê ana B’Râu, pô mă bruă ti sang hră čiêm rông mnuih djuê ƀiă gưl 3 mơ̆ng čar Kon Tum ti kdriêk Ia H’Drai. Dŭm čô mgơ̆ng asei djŏ ruah jing pô bi ala Quốc Hội gưl 15 dưi mâo hnơ̆ng hră čuăn ruah mơ̆ng 82,97% truh kơ 93,39%.

Pô mblang: Y-Khem Niê