VOV4.Êđê- Aguah mbruê, sang êa drao prŏng čar Kon Tum klă klơ̆ng mâo klei hâo hưn klei mrâo kơ 8 čô mâo klei ruă tưp Covid-19 dưi hmao ƀuh ti sang êa drao hruê 2 - 4/12. Hluê anăn, hlăm 8 čô F0 anei mâo 2 čô mă bruă mdrao mgŭn jing sa čô êa mdrao leh anăn sa čô nai mdrao. 6 čô F0 adôk mâo 3 čô ti ƀuôn prŏng KonTum, kdriêk Sa Thây leh anăn Kon Braih, sa čô mniê ba tian mâo sang ti kdriêk Đăk Hà anăn sa čô hlăm gŏ sang pô ruă ti kdriêk Sa Thầy. Jih jang phung F0 anei dưi hmâo ƀuh ti sang êa drao prŏng čar Kon Tum leh anăn dưi ba nao mdrao ti sang êa drao jing êjai mrô 1 čar Kon Tum. Leh hmao ƀuh 8 čô F0 anei, sang êa drao prŏng čar Kon Tum ngă leh bruă tui duah, bi ktlah phung F1, F2 djŏ tuôm, ngă klei bi doh mnơ̆ng dhơ̆ng, mdjiê kman hlăm dŭm anôk mdrao mâo mnuih mâo klei ruă tưp Covid-19, ksiêm dlăng kjăp phung mŭt kbiă hlăm sang êa drao, phung nao čuă leh anăn phung ngă bruă mdrao mgŭn.

Pô mblang: Y-Ƀel Êban