VOV4.Êđê - Tlam hruê 29/7, Anôk gĭt gai hdră gang mkhư̆ klei ruă Covid 19 čar Kon Tum hưn mthâo leh kơ bruă mkŏ mjing 2 anôk mkăp êa săng amâo mâo mă prăk kơ mnuih wĭt kơ ƀuôn sang pô mơ̆ng dŭm čar dôk mâo klei ruă ti kwar Dhŭng. Hluê anăn, 2 anôk mjưh lehanăn đru êa săng amâo mâo mă prăk ti Kon Tum dưi mkŏ dưm ti 2 ktuê êlan prŏng.

Ti ktuê êlan dơ̆ng mrô 14 – êlan Hồ Chí Minh jing ti Anôk čhĭ êa săng 124, Km 1475, hlăm alŭ Dục Nội, să Đăk Nông, kdriêk Ngọc Hồi. Hŏng êlan dơ̆ng prŏng mrô 24 jing ti Anôk čhĭ êa săng 118, Km 117+237, ti wăl krah Măng Đen, kdriêk Kon Plông.  Jih jang mnuih đĭ êdeh p’phŭt wĭt kơ ƀuôn sang pô mơ̆ng dŭm čar kwar Dhŭng, truh ti 2 anôk čhĭ êa săng anei srăng dưi đru 2 lit êa săng.

Dưi thâo, Anôk bruă êa săng Kon Tum hluê ngă leh hdră đru êa săng kơ mnuih  wĭt mơ̆ng krĭng mâo klei ruă tưp ti 2 anôk čhĭ êa săng anei mơ̆ng hruê 25/7. Hlăm hruê 29/7, 2 anôk čhĭ êa săng anei tŭ drông leh 850 čô mnuih lehanăn đru êa săng amâo mâo mă prăk kơ 390 boh êdeh ph’phŭt./.

H Nêč pô mblang