VOV4.Êđê - Hluê ngă Hdră mtrŭn Klei bi kƀĭn bruă Đảng čar Kon Tum tak XVI kơ bruă pla 15 êbâo ha dliê, ară anei dŭm kdriêk, ƀuôn prŏng mơ̆ng čar Kon Tum mphŭn pŏk ngă bruă pla dliê hlăm ênhă prŏng. Čiăng kơ bruă pla dliê mâo klei tŭ dưn hŏng ênoh ana hdĭp lu, bruă sang čư̆ êa leh anăn bruă lŏ hma ti alŭ wăl mprăp kơ ana mjeh, ênhă lăn čiăng pla dliê.

Nao đru pla dliê, dŭm êpul bruă, mnuih leh anăn êpul êya mâo bruă sang čư̆ êa leh anăn bruă lŏ hma alŭ wăl đru ana mjeh, êa drao krih mdjiê mnơ̆ng ngă hŏng sa kdrêč bi liê mưn mnuih mă bruă. Hdră kñăm kčah mơ̆ng čar Kon Tum hlăm thŭn anei jing dưi pla 3 êbâo ha dliê, ƀiădah boh sĭt brei ƀuh năng ai dŭm alŭ wăl srăng pla êbeh ênhă dưi jao.

H Zawut pô mblang