VOV4.Êđê- Adŭ bruă êpul gơ̆ng bruă ƀuôn sang čar Kon Tum brei thâo, klei kƀĭn tal 1 êpul gơ̆ng bruă ƀuôn sang čar gưl 12 wưng thŭn 2021-2026 mĭn tĭng srăng mkŏ mjing hlăm 2 hruê, mơ̆ng hruê 1-2/07/2021 ti sang kƀĭn prŏng Ngọc Linh, ƀuôn prŏng Kon Tum. Klei kƀĭn anei srăng ksiêm dlăng dŭm klei hưn mdah kơ bruă dap mnuih mă bruă, 4 hră hưn mdah hră čih mkra hdră mtrŭn mơ̆ng êpul khua êmua hlăm êpul gơ̆ng bruă ƀuôn sang čar bi êdah, klei hưn mdah mơ̆ng dŭm anôk bruă mơ̆ng êpul gơ̆ng bruă ƀuôn sang hlăm čar. Bruă sang čư̆ êa srăng bi êdah hŏng êpul gơ̆ng bruă ƀuôn sang 7 klei hưn mdah msĕ si: klei hưn mdah kơ bruă ngă dŭm bruă klam hlăm bruă duh mkra- ala ƀuôn, bruă lĭng kahan kơ thŭn lehanăn hdră tă êlan, bruă klam 6 mlan knhal jih thŭn, klei hưn mdah bruă hrui mă, duh bi liê ngăn prăk ala čar 6 mlan akŏ thŭn, hưn dah bruă ngă mkiêt mkriêm, gang mkhư̆ klei luič liê ti mang 6 mlan akŏ thŭn lehanăn hdră tă êlan, bruă klam 6 mlan knhal jih thŭn… Mĭn tĭng mâo 12 hdră hưn mdah klei čih mkra hdră mtrŭn mơ̆ng bruă sang čư̆ êa hưn mdah hlăm klei kƀĭn tal anei.

Pô mblang: Y-Ƀel Êban