VOV4.Êđê- Aguah 25-8, Bruă Đảng, bruă sang čư̆ êa leh anăn mnuih ƀuôn sang să Čư̆ Hreng, ƀuôn prŏng Kon tum tŭ mă Hdră mtrŭn mơ̆ng Knơ̆ng bruă sang čư̆ êa čar Kon Tum tŭ yap să djăp hnơ̆ng čuăn krĭng ƀuôn sang mrâo. Leh êbeh 10 thŭn gĭr ngă hdră kñăm mkŏ mkra krĭng ƀuôn sang mrâo, să Čư̆ Hreng, ƀuôn prŏng Kon Tum djăp 19/19 hnơ̆ng čuăn hŏng lu klei tŭ êdah kdlưn, msĕ si: ênoh mnuih ƀuôn sang mâo bruă mă nanao hlăm gưl thŭn mă bruă mâo êbeh 99%; ênoh gŏ êsei ƀun knŏng dôk 2,55%, prăk hrui wĭt kah knar grăp čô mnuih hlăm grăp thŭn êbeh 41 êklăk 400 êbâo prăk.

Hŏng bruă să Čư̆ Hreng dưi tŭ yap să krĭng ƀuôn sang mrâo, truh kơ ară anei, ƀuôn prŏng Kon Tum mâo 7 să krĭng ƀuôn sang mrâo leh anăn anei jing să krĭng ƀuôn sang mrâo tal 29 mơ̆ng čar Kon Tum.

Pô mblang: H’Zawut Ƀuôn Yă