VOV4.Êđê- Hruê 27-7, čar Kon Tum lŏ mâo thiăm 2 čô mnuih djŏ kman SARS-CoV-2, mđĭ ênoh mnuih ruă F0 ti čar đĭ 6 čô mnuih. Msĕ si 4 čô F0 êlâo anăn, 2 čô djŏ kman SARS-CoV-2 ti čar Kon Tum ăt dưi ƀuh leh anăn hmao bi ktlah hjăn ti Anôk gak ktuê dlăng klei ruă tưp, ka mŭt ôh hlăm čar Kon Tum. Dưi thâo 2 čô anei hlăm hruê 26-7 hriê mơ̆ng čar Quảng Nam nao ti Anôk gak răng mrô 2 ti kčŭn čư̆ Lò Xo êlan Hồ Chí Minh, ti să Đăk Man, kdriêk Đăk Glei, čar Kon Tum.

Mơ̆ng bruă ksiêm mkă pral mâo sa čô djŏ kman SARS-CoV-2. Ară anei jih 2 čô anei dôk bi ktlah mdrao mgŭn ti Anôk bruă sang êa drao mdrao mgŭn hluê ênhiang djuê ana - krŭ wĭt klei suaih pral čar Kon Tum. Truh ară anei, čar Kon Tum mâo leh 6 čô mâo klei ruă Covid-19, ƀiădah ka mâo ôh mnuih ruă hlăm êpul êya.

Pô mblang: Y-Ƀel Êban