VOV4.Êđê- Čar Kon Tum dôk ngă klei tlŏ mgang vaccine gang mkhư̆ klei ruă tưp Covid-19 gưl tal 2 kơ 17.620 čô mnuih jing dŭm êpul mnuih mâo klei tlŏ mgan tal êlâo hĭn Việt Nam gang mkhư̆ klei ruă tưp Covid-19 amâo liê prăk tui si hdră mtrŭn 21 hruê 26/2/2021 mơ̆ng khua knŭk kna. hlăm 17.620 čô anăn ti čar Kon Tum dưi mâo klei tlŏ mgang vaccine gang mkhư̆ klei ruă tưp Covid-19 gưl tal 2, mâo êbeh 14.300 čô mnuih jing dŭm čô mnuih ba anăp bruă gang mkhư̆ klei ruă tưp.

Dŭm êpul mnuih mâo klei tlŏ mgang tal êlâo jing mnuih mă bruă hŏng tač êngao, êpul mă bruă dŭ mdiăng, knuă druh ngă bruă ksiêm dlăng klei mŭt kbiă lehanăn êbeh 3.200 čô mnuih hlăm êpul brei mnơ̆ng dhơ̆ng yua mjêč. Čiăng rơ̆ng mâo klei tŭ dưn, êđăp ênang hlăm gưl tlŏ mgang anei, knơ̆ng bruă mdrao mgŭn čar Kon Tum bi mbha leh dŭm čô mnuih mâo klei tlŏ mgang tal êlâo jing 2 gưl. Gưl 1 mơ̆ng hruê 07/06/2021 kơ 7.780 čô lehanăn gưl 2 mơ̆ng 05/07/2021 tlŏ kơ 9.840 čô mnuih dưi tlŏ leh gưl 1.

Pô mblang: Y-Ƀel Êban