VOV4.Êđê- Kčưm mơ̆ng hrue mbrue (15/7), čar Kontum mâo bruă đru ênoh bi liê kơ bruă yang ƀuôn mdrơ̆ng hŏng klei ruă tưp Covid 19. Mơ̆ng anăn, knơ̆ng bruă sang čư̆ êa čar kontum mâo leh klei đru kơ ênoh bi liê kơ êpul bruă mdrơ̆ng hŏng klei ruă tưp, hŏng ênoh 80 êbâo prăk/čô/hrue. Ênoh đru anei mơ̆ng grăp êpul amâo mâo êgao ôh sa čô mnuih/hrue.

Čiang dưi mâo prăk ngă bruă, knơ̆ng bruă sang čư̆ êa čar Kontum akâo leh kơ Gưl dlông đru truh 70%, dŭm adôk jing 30% mă mơ̆ng ngăn prăk alŭ wăl. Ară anei čar kontum mâo 2 êbâo 832 êpul ngă bruă mdrơ̆ng hŏng klei ruă tưp. Snăn hŏng ênoh 80 êbâo prăk sa čô hlăm grăp êpul, sa hruê srăng bi liê čar Kontum srăng tla jing êbeh 220 êklăk prăk. Kontum jing sa hlăm dŭm čar kluôm ala truh ară anei ka mâo ôh mnuih mâo kman sar Cov 2, ƀiădah klei dôk hyưt klei ruă tưp bluh đĭ jing prŏng./.

Pô mblang: Y-Khem Niê