VOV4.Êđê- Čar Kontum mrâo lŏ mâo 6 čô mnuih mâo kman Sar CoV 2 ti anôk bi ktlah hlăm čar, (ti sang hră gưl krah Yang ƀuôn čar kontum) Êlâo anăn 6 čô anei jing mnuih ngă bruă wĭt mơ̆ng ƀuôn prŏng Hồ Chí Minh, lehanăn čar Bình Dương wĭt truh kơ Kontum mơ̆ng hrue 27/7, hŏng êdeh p’phŭt pô. Leh truh kơ anôk ksiêm dlăng mrô 1 Sao Mai, să Hoà Bình, ƀuôn prŏng Kontum, jih 6 čô anei mâo êpul bruă djŏ tuôm čar ba bi ktlah sa anôk. Truh aguah hrue mbrue (1/8), leh lŏ mkă dlăng snăn boh tŭ dưn klei mkă dlăng jing mâo kman Sar Cov 2 hŏng hdră RT-PCR, jih 6 čô anei dưi ba mdrao lehanăn ti ktlah ti anôk mrô 2, Sang êa drao mdrao hlue knhuah đưm čar kontum. Truh kơ ară anei, jih jang F0 ti čar Kontum jing hmao ƀuh ti anôk ksiêm dlăng ti mbah mŭt hlăm čar, lehanăn ba bi ktlah sa anôk mtam. Kontum ka ƀuh ôh mnuih tưp klei ruă anei hlăm yang ƀuôn./.

Pô mblang: Y-Khem Niê