VOV4.Êđê- Ti anăp klei ruă tưp dleh dưi ksiêm dlăng ti ƀuôn prŏng Hồ Chí Minh, čar Kontum mâo leh dŭm hdră kñăm ksiêm dlăng, gang mkhư̆ klei ruă tưp ñŭ kma. Mơ̆ng hrue 31/5, čar Kontum mdei jih jang klei dŭ mdiăng tue mơ̆ng čar nao kơ ƀuôn prŏng Hồ Chí Minh, Knŏng tơdah mâo bruă mjêč yuôm bhăn. Jih jang êdeh êdâo dah ngăn ƀuôn prŏng Hồ Chí Minh snăn điêt đuôt amâo mâo dưi mdei mjưh, thâodah drông tue, mdei huă ƀơ̆ng ti ƀuôn prŏng ôh.

Jih jang djăp alŭ wăl hlăm čar Kontum ăt bi ksiêm dlăng hlei pô wĭt mơ̆ng ƀuôn prŏng Hồ Chí Minh mơ̆ng hrue 18 – 29/5. Čiăng bi nao gang mkhư̆ klei ruă tưp ñŭ kma, čiăng pral thâo ƀuh, gang mkhư̆ klei ruă tưp hlăm čar, mơ̆ng 0h hrue 1/6, čar Kontum lŏ dơ̆ng mđĭ hnơ̆ng răng mjêč, gang mkhư̆ klei ruă tưp covid 19 hlăm čar ti hnơ̆ng prŏng hĭn./. 

Pô mblang: Y-Khem Niê