VOV4.Êđê - Hyuă kjăp hĭng bruă mdrơ̆ng hŏng klei ruă tưp covid 19, lehanăn mđing mđĭ kyar bruă duh mkra ala ƀuôn, jih ai tiê ngă tŭ jing bruă mdua, anăn yơh jing boh phŭn bruă ngă, mâo leh k’iăng khua bruă Đảng čar, khua knơ̆ng bruă sang čư̆ êa čar lê Ngọc Tuấn mñă ti anôk bi kƀĭn kơ tuôr mlan 5 Knơ̆ng bruă sang čư̆ êa car kontum. Hlăm 5 mlan akŏ thŭn, klei duh mkra ala ƀuôn hlăm čar ăt hơĭt, mâo klei đĭ kyar lehanăn mâo lu klei tŭ dưn jăk hlăm djăp mta. Kơ bruă lŏ hma, tĭng truh hrue 15/5, djăp alŭ wăl mâo wwiă leh ênŭm mdiê lŏ bhang, bruă kiă kriê dliê mâo ngă jăk. Bruă mkŏ mkra krĭng ƀuôn sang, mâo leh dŭm dhar bruă, êpul êya jih ai tiê hluê ngă hŏng 28 boh să mâo tŭ yap djăp ênoh čuăn krĭng ƀuôn sang mrâo. hlăm 5 mlan akŏ thŭn, klei bi mnia mblei hŏng ala tač êngao lŏ dơ̆ng đĭ kyar hŏng ênoh jih jang mâo ba wĭt jing 92 êklăk 500 êbâo dolar. Phung khua kiă kriê čar Kontum mtă kơ dŭm knơ̆ng dhar bruă, alŭ wăl lŏ dơ̆ng hŏng jih ai tiê, mđrăm mbĭt, ngă djăp bruă, mâo hdră mđĭ kyar klei duh mkra ala ƀuôn, hŏng ai tiê mdrơ̆ng hng klei ruă tưp êjai lehanăn mđĭ kyar bruă duh mkra êjai, bi leh mta kñăm mdua./.

Y Khem pô mblang