VOV4.Êđê- Aguah mbrue (20/7), Êpul kiă kriê bruă mdrơ̆ng hŏng klei ruă tưp čar Kontum mkŏ mjing leh klei bi kƀĭn mjêč online hŏng 10 boh kdriêk, ƀuôn prŏng hlăm čar kơ 2 cô jing mâo kman sar Cov 2 tal êlâo hmao ƀuh hlăm čar, mơ̆ng akŏ wưng mâo klei ruă tưp, lehanăn hyuă kjăp hĭng bruă mdrơ̆ng hŏng klei ruă tưp hŏng boh klei mrâo hlăm čar.

Ba bi ktlah leh mtam hŏng dua čô anei, lehanăn hlăk dôk mdrao ti sang êa drao kdriêk Kon Plong, lehanăn sang êa drao mdrao hlue knhuah đưm čar kontum. Ti anôk bi kƀĭn mjêč hŏng online Êpul kiă kriê bruă mdrơ̆ng hŏng klei ruă tưp čar gĭt gai lehanăn hlue ngă kjăp, mtă kơ bruă sang čư̆ êa 10 boh kdriêk, ƀuôn prŏng hlăm čar ksiêm dlăng bi nik mnuih wĭt mơ̆ng krĭng mâo klei ruă tưp, amâo mâo lui klei ruă tưp bi mtưp mđĭ kđăl ôh hlăm anôk bi ktlah êjai dôk mdrao phung jing F0./.

Pô mblang: Y-Khem Niê