VOV4.Êđê -  Aguah mbrue (31/3), mâo klei sang êa drao prŏng čar kontum hưn, mnuih khua thŭn hĭn hlăm ênoh phung ƀơ̆ng djŏ mnơ̆ng ruă hlăm 4 čô ti kdriêk Kon Ploong djiê leh. Anăn jing aduôn Y Xuân, 65 thŭn, ti ƀuôn Kon Du, să Măng Kêñ, kdriêk Kon Ploong. Hlăk mmông ba kơ sang êa drao ñu toh hroh hnơ̆ng êrah đĭ, ngă kơ kboh mtŭk mtŭl, dlưh ai bi êwa, mâo klei bi knăl djŏ kman dôk mkă dlăng djŏ mta ruă. Leh 4 hrue đih sang êa drao mnuih ruă đuĕ nao kơ kjham hlăm prôč tian, lehanăn dlưh jih ai hdĭp, tlŏ sa rom mlih huyết tương 3 blư̆.

Ară anei adôk 3 čô mnuih ruă hlăk dôk mdrao ti anôk mdrao klei ruă kdơ̆ng hŏng mta jhat. Mnuih ruă dôk bi êwa hŏng masin, ƀiădah ƀuh ai tiê dơ̆ng suaih leh sơăi mkă hŏng mrâo ba kơ sang êa drao. Klei dleh dlan ară anei jing ka mâo ôh êa drao jăk hĭn pioh mdrao mgŭn jih jang mnuih ruă adôk, ka ƀuh mơh boh mơ̆ng bruă mkă dlăng mta ruă, adôk đuôm hlăm êrah, năng ai klei mdrao mgŭn srăng sui./.

Y Khem pô mblang