VOV4.Êđê- Anôk bruă pui kmlă Dak Lak ară anei dôk kriê dlăng êlan pui kmlă hŏng hnơ̆ng 13 anôk pui kmlă 110kV, 5 anôk pui kmlă 35kV lehanăn 22kV, êbeh 6 êbâo anôk mđĭ mtrŭn pui kmlă, êbeh 5 êbâo km êlan klei pui kmlă, mkăp pui kơ 570 êbâo čô ba yua. Kñăm rơ̆ng kjăp klei êđăp ênang êlan pui kmlă hlăm ênhă prŏng, krĭng lăn dleh ksiêm dlăng, kdrăp mnơ̆ng duh bi liê amâo bi knar..., anôk bruă čih mkra leh hdră kčah ngă bruă lehanăn hluê ngă kjăp klei bhiăn 3 Asăp mtă, mâo “Ksiêm dlăng – Hdră kčah – Tui ksiêm”. Hlăm anăn, grăp bruă klam dưi kah mbha lehanăn jao klei đua klam klă klơ̆ng.

Mkra mđĭ êlan klei pui kmlă nah dlông Krông Ƀuk - Ea Hleo

Hdră kriê dlăng kdrăp yua 3 Asăp mtă dưi hluê ngă kjăp mơ̆ng Anôk bruă truh kơ Knơ̆ng bruă pui kmlă, Êpul kriê dlăng ba yua êlan klei pui kmlă. Hdră anei dưi tĭng dlăng hluê mlan, hluê gưl kñăm bi mni, pah mni kơ dŭm êpul êya hluê ngă jăk lehanăn pral ƀư̆ mkra dŭm klei gun kpăk.

Bi mdoh anôk mđĭ mtrŭn pui kmlă 110 KV Hòa Thuận

Hŏng dŭm hdră msir mđrăm mbĭt, thŭn 2021, hdră kriê dlăng hdră kdrăp mơ̆ng PC Dak Lak dôk mrô kdlưn mơh mkă hŏng dŭm êpul êya pui kmlă kluôm ala. Anôk bruă pui kmlă ba yua h’ĭt kjăp, đăo knang, amâo lui bluh mâo klei truh hlăm anôk bruă mđĭ mtrŭn pui kmlă./.

                                                    Pô mblang: H’Nêč Êñuôl