Anei jing boh tŭ dưn êdah êdi mâo bi êdah ti anôk bi kƀĭn ksiêm wĭt 3 thŭn hlue ngă hdră ala čar kñăm mkŏ mkra krĭng ƀuôn sang mrâo wưng thŭn 2021-2025 čar Daknông mkŏ mjing hrue mbrue (28/9). Yap truh kơ mlan 9/2023, čar Daknông mâo leh 36/60 să djăp ênoh čuăn mkŏ mkra krĭng ƀuôn sang mrâo, đĭ leh 7 boh să mkă hŏng thŭn 2020, hlăm anăn mâo 1 boh să djăp ênoh čuăn krĭng ƀuôn sang mrâo ti hnơ̆ng kdlưn hĭn, djăp 80% hdră kčah, mâo 43 boh să djăp ênoh čuăn hlăm thŭn 2025.

Kah knar kluôm čar mâo giăm 17 ênoh čuăn, amâo lŏ mâo ôh să kgŭ 10 ênoh čuăn. Hdră lăn čar kñăm mkŏ mkra krĭng ƀuôn sang mrâo mâo bi knăl leh klei bi mlih jăk kơ bruă mđĭ kyar klei hdĭp mda, bi hrŏ klei ƀun ƀin, ƀrư̆ ƀrư̆ atăt čar Daknông dưi jing sa boh čar đĭ kyar hlăm alŭ wăl lăn dap kngư, tui si mta kñăm mơ̆ng klei bi kƀĭn prŏng Đảng čar tal 12 kčah mtrŭn./.