VOV4.Êđê - Aguah mbruê, Anôk bruă sang čư̆ êa čar Dak Nông mkŏ mjing Knăm hưn mthâo Klei bi mklă mơ̆ng Khua knŭk kna, tŭ yap ƀuôn prŏng Gia Nghĩa bi leh hdră mkŏ mkra krĭng ƀuôn sang mrâo lehanăn tŭ mă Medai mă bruă mrô 3 mơ̆ng Khua lăn čar mđup brei. Leh 10 thŭn mkŏ mkra krĭng ƀuôn sang mrâo, thŭn 2020, 2 să mơ̆ng ƀuôn prŏng mâo Khua Anôk bruă sang čư̆ êa čar Dak Nông tŭ yap djăp hnơ̆ng čuăn krĭng ƀuôn sang mrâo. Ti klei bi mklă mrô 472 hruê 18/4/2022, Khua knŭk kna tŭ yap ƀuôn prŏng Gia Nghĩa bi leh hdră mkŏ mkra krĭng ƀuôn sang mrâo.

Blŭ ti knăm anei, Đỗ Tấn Sương, Khua Anôk bruă sang čư̆ êa ƀuôn prŏng Gia Nghĩa brei thâo, leh bi leh 19/19 hnơ̆ng čuăn krĭng ƀuôn sang mrâo, dŭm să hlăm ƀuôn prŏng mâo lu klei bi mlih, hdră duh mkra đĭ kyar mâo klei bi mlih jăk siam. Hnư hrui wĭt kah knar grăp čô ti să mâo êbeh 53 êklăk prăk/čô/thŭn, đĭ 2,6 blư̆ mkă hŏng thŭn 2011. Ƀuôn prŏng ară anei dôk 146 gŏ sang ƀun, truh 0,77%. Anei jing klei găl čiăng Gia Nghĩa lŏ dơ̆ng mđĭ lar hlăm wưng kơ anăp./.

H’Nêč pô mblang