Thŭn 2023, kluôm ala mdưm mta kñăm mâo hlăm brô 78% să krĭng ƀuôn sang mrâo, ƀiă êdi 270 anôk bruă gưl kdriêk dưi tŭ yap krĭng ƀuôn sang mrâo, mâo 7-8 čar/ƀuôn prŏng dưi tŭ yap bi leh bruă klam mkŏ mkra krĭng ƀuôn sang mrâo. Hluê si adŭ bruă gĭt gai krĭng ƀuôn sang mrâo, dŭm alŭ wăl čiăng mtrŭt mđĭ hĭn bruă hâo hưn, mlih klei mĭn mkŏ mkra krĭng ƀuôn sang mrâo nao mbĭt hŏng bruă mkŏ mjing “Bruă lŏ hma wăl mnơ̆ng hdĭp, krĭng ƀuôn sang mrâo mrang, ƀĭng ngă lŏ hma mrâo mrang”.

Gĭt gai hlăm klei kƀĭn, Khua phŭn bruă lŏ hma leh anăn mđĭ kyar krĭng ƀuôn sang Lê Minh Hoan lač: Mkŏ mkra krĭng ƀuôn sang mrâo amâo djŏ knŏng dlăng kơ hnư hrui wĭt mơ̆ng mnuih ƀuôn sang, ƀiădah lŏ dlăng kơ tur knơ̆ng boh tŭ dhar kreh, klei êdah hĭn mơ̆ng grăp alŭ wăl, grăp êpul êya yang ƀuôn.