VOV4.Êđê – Thŭn 2021 hnơ̆ng bruă mnia mblei điện tử čar Lâm Đồng dôk ti tal 20/56 čar, ƀuôn prŏng, đru kơ čar Lâm Đồng jing čar mâo klei đĭ kyar bruă mnia mblei điện tử kah knar, dôk mrô sa 5 čar krĭng Lăn Dap Kngư kơ hnơ̆ng mđĭ kyar bruă mnia mblei điện tử. Truh kơ ară anei hlăm čar mâo 12 website mkăp hdră mnia mblei điện tử mâo leh klei bi mklă mơ̆ng Phŭn bruă tuh tia lehanăn 160 website čhĭ mnia mơ̆ng dŭm knơ̆ng bruă ăt mâo leh klei bi mklă mơ̆ng Phŭn bruă tuh tia mâo leh klei hâo hưn. Hlăm wưng anăp, čar Lâm Đồng lŏ dơ̆ng mtrŭt mjhar dŭm knơ̆ng bruă pŏk mlar hdră kah mba, boh nĭk hdră mnia mblei điện tử, mbĭt anăn alŭ wăl ăt srăng mâo klei bhiăn, hdră êlan čiăng đru lehanăn mjing klei găl kơ dŭm anôk bruă mnia blei dưi yua hdră êlan čhĭ mnia điện tử, đru ba chĭ mnơ̆ng dhơ̆ng.

H Zawut pô mblang