VOV4.Êđê -  Hruê mbruê 15/12, čar Lâm Đồng čih yap 284 čô mnuih rưa Covid-19 mrâo, jing ênoh mnuih ruă hlăm 24 mmông lu hĭn mơ̆ng êlâo truh ară anei. Hlăm ênoh 284 čô mnuih ruă mrâo ti čar, 4 kdriêk leh anăn ƀuôn prŏng mâo klei ruă Covid-19 dleh ktuê dlăng jing Đà Lạt, Di Linh, Đức Trọng lehanăn Dă Hoai mâo 217 čô. Boh klei Covid-19 ti Lâm Đồng dleh ktuê dlăng yap mơ̆ng akŏ mlan 12 hŏng giăm 2.500 čô mnuih hlăm mkrah mlan, đĭ pral hĭn krĭng wăl Lăn Dap Kngư.

Truh hruê 15/12, kluôm čar mâo 5.983 čô mnuih ruă Covid-19, hlăm anăn mâo 2.864 čô ăt dôk mdrao mgŭn, Mdrơ̆ng hŏng ênoh mnuih ruă Covid-19 đĭ pral, Knơ̆ng bruă mdrao mgŭn čar Lâm Đồng mkăp leh mrô kơ 3 anôk bruă mdrao Covid-19 mrâo, hŏng 570 jhưng đih mdrao, kơ phung F0 hdjul leh anăn amâo mâo klei bi knăl. Hlăm anăn, mâo 2 anôk ti ƀuôn prŏng Đà Lạt leh anăn 1 ti kdriêk Di Linh.

H’Zawut pô mblang