VOV4.Êđê - Čar Lâm Đồng mrâo mâo 2 čô mă bruă mdrao mgŭn djŏ klei ruă Covid 19. Hlăm 2 čô ruă anei, mâo sa čô mă bruă ti Adŭ mdrao klei ruă ti khoa Nội A, Sang êa drao prŏng čar Lâm Đồng lehanăn sa čô jing mnuih mă bruă mdrao mgŭn ti kdriêk Di Linh. Mđĭ ênoh mnuih mă bruă mdrao mgŭn ti Lâm Đồng djŏ Covid 19 truh 5 čô, hlăm anăn lu mnuih ruă ti Đà Lạt. Êngao anăn, sa čô knuă kahan ƀuôn mkăn ăt djŏ Covid 19 hlăk nao ngă bruă gang mkhư̆ klei ruă tưp. Tĭng truh ară anei, Lâm Đồng mâo 2.556 čô ruă Covid 19, hlăm anăn mâo 8 čô djiê lehanăn 676 čô dôk mdrao lehanăn dưi kbiă mơ̆ng sang êa drao. Ênoh mnuih ruă lu ti ƀuôn prŏng Đà Lạt hŏng 606 čô, leh kơnăn truh kdriêk Đức Trọng 590 čô, 2 kdriêk mâo ênoh mnuih ruă Covid 19 ƀiă hĭn ti čar Lâm Đồng jing Cát Tiên 18 čô lehanăn Lạc Dương 16 čô./.

H’Nêč pô mblang