VOV4.Êđê- Hruê 7/6, knơ̆ng bruă mdrao mgŭn čar Lâm Đồng brei thâo, anôk bruă anei mrâo hmao ƀuh sa čô nao dôk ti anôk bi ktlah mbĭt hrô kơ sa čô mnuih mrâo wĭt mơ̆ng anôk mâo klei ruă tưp. Leh hmao ƀuh klei bi mlih anei, dŭm êpul êya djŏ tuôm hlŏng nao ngă bruă bi mklă mnuih hlăm gŏ sang mơ̆ng Đ.N.D, lehanăn mjêč ba pô anei nao ti anôk bi ktlah mbĭt.

Mbĭt hŏng anăn lŏ bi mbŏ klei bi mkă dưn yua dư̆m hdră êlan bi kltah pô hrô kơ mnuih anei jing T.Đ.D. Tui si knơ̆ng bruă mdrao mgŭn čar Lâm Đồng, pô anei ngă soh leh hŏng klei bhiăn gang mkhư̆ klei ruă tưp Covid-19 lehanăn srăng mâo klei bi kmhal leh ngă jih 21 hruê bi ktlah. Tĭng truh kơ 6 mmông aguah hruê 7/6, čar Lâm Đồng dôk bi ktlah 2.490 čô mnuih. Mbĭt anăn čar Lâm Đồng lŏ mâo 215 čô mnuih mâo klei ksiêm mkă amâo ƀuh ôh kman Sars-CoV-2./.

Pô mblang: Y-Ƀel Êban