VOV4.Êđê- Knơ̆ng bruă sang čư̆ êa čar Lâm Đồng mtrŭn leh hdră mă bruă mlan kyua phung hđeh thŭn 2021, hŏng akŏ: “răm mbĭt răng mgang kơ klei dưi phung hđeh, răng mgang phung hđeh mơ̆ng klei yan adiê ngă, mơ̆ng klei ruă tưp, wưng mkŏ mjing mlan mă bruă jing mơ̆ng hrue 1/6 truh jih hrue 30/6/2021”. Hluê anăn knơ̆ng bruă sang čư̆ êa čar mtă kơ dŭm knơ̆ng dhar bruă, êpul êya alŭ wăl tui si boh phŭn hlăm hdră mă bruă, lehanăn hlue ngă bruă mdrơ̆ng hŏng klei ruă tưp, čiang kơ bruă hŏng phung hđeh mâo klei dưi ngă, lehanăn hâo hưn kơ dŭm bruă răng mgang phung hđeh lehanăn dlăng kriê phung hđeh, bi kdơ̆ng hŏng klei ngă jhat kơ phung hđeh, gang mkhư̆ klei truh êka kơ phung hđeh, thâodah klei djiê mngăt hlăm êa. Mđĭ hĭn bruă hâo hưn mjuăt bi hriăm kơ knhuah thâo hdĭp kơ phung hđeh, bi kdơ̆ng hŏng klei ngă jhat hlăm êlan mạng, klei thâo răng mgang kơ pô, răng kơ klei êbuh êka, bi hriăm luê, thâo răng kriê asei mlei pô êjai dôk găn klei ruă tưp ară anei./.

Pô mblang: Y-Khem Niê