VOV4.Êđê- Aguah hruê 13/10, čar Lâm Đồng lŏ mâo 19 čô djŏ klei ruă Covid 19 mrâo, hlăm anăn mâo 10 čô ruă hlăm êpul êya yang ƀuôn. Mơ̆ng hdră ksiêm mkă dlăng êlâo kơ tlŏ vaccine gang mkhư̆ Covid 19 ti wăl krah Liên Nghĩa, kdriêk Đức Trọng, êpul djŏ tuôm mơ̆ng čar Lâm Đồng hmao ƀuh 3 čô djŏ kman SARS-CoV-2. Pral ksiêm dlăng, tui duah, čuăl krĭng, mă mta ksiêm dlăng, bi ktlah mnuih djŏ tuôm ti anôk dôk mơ̆ng 3 čô anei jing alŭ Prĕ, să Phú Hội, kdriêk Đức Trọng, truh aguah hruê 13/10, êpul djŏ tuôm bi mklă mâo 10 čô djŏ klei ruă Covid 19 ti anôk anei.

Êngao anăn, hlăm 24h êgao, čar Lâm Đồng lŏ mâo 9 čô ruă mkăn. Hlăm anăn, mâo 3 čô ruă jing F1 djŏ tuôm kơ mnuih ruă ti ƀuôn mnga Vạn Thành, ƀuôn hgŭm 5, ƀuôn prŏng Đà Lạt. Mnuih ruă adôk dưi ƀuh ti wăl krah Liên Nghĩa, kdriêk Đức Trọng lehanăn mâo dŭm čô mrâo wĭt mơ̆ng Đồng Nai lehanăn ƀuôn prŏng Hồ Chí Minh./.

Pô mblang: H’Nêč Êñuôl