VOV4.Êđê -  Ti čar Lâm Đồng, lu êpul êya, êpul bruă, mnuih jih ai tiê leh bi mkrum hŏng keh mdrơ̆ng hŏng klei ruă tưp Covid 19. Aguah mbrue (11/6), Anôk bruă mặt trận čar Lâm Đồng mâo tŭ mă leh mơ̆ng Êpul kiă kriê klei đăo Yơng čar Lâm Đồng mkrum mguôp truh 500 êklăk prăk.

Ti kdriêk Lâm Hà, mơ̆ng hrue 31/5 truh kơ ară anei, dŭm anôk bruă, êpul êya, alŭ wăl, êpul bruă, puhng duh mkra, sang hră, êpul hgŭm lehanăn phung ƀuôn sang bi mkrum leh êbeh 737 êklăk prăk, dŭm kdriêk dleh dlan msĕ si Dă Teh, Dam Roong, Lạc Dương... grăp alŭ wăl ăt mâo tŭ mă êbeh 200 êklăk prăk. Kñăm mđĭ ai djăp êpul êya, mnuih jih jai tiê bi hgŭm hlăm bruă mkrum mguôp hlăm keh mdrơ̆ng hŏng klei ruă tưp covid 19, hrue 10/6, knơ̆ng bruă sang čư̆ êa ƀuôn prŏng Đà Lạt, čar Lâm Đồng mâo leh bruă tŭ dưn jăk hlăm bruă mdrơ̆ng hŏng klei ruă tưp covid 19./.

Y Khem pô mblang