VOV4.Êđê- Knơ̆ng bruă sang čư̆ êa čar Lâm Đồng mâo leh hră mơar mtă kơ Knơ̆ng bruă ngăn dŏ wăl hdĭp mda, Knơ̆ng bruă sang čư̆ êa dŭm čar, ƀuôn prŏng mjưh mdei êjai msir mgaih hră mơar djă yua lăn ti čar. Klă klơ̆ng, Knơ̆ng bruă sang čư̆ êa čar Lâm Đồng mtă kơ Knơ̆ng bruă ngăn dŏ wăl hdĭp mda, Knơ̆ng bruă sang čư̆ êa dŭm kdriêk, ƀuôn prŏng mdei êjai msir mgaih hră mơar djă yua lăn ti čar êla mâo klei gĭt gai mơ̆ng Knơ̆ng bruă sang čư̆ êa čar ( êngao kơ hră mơar kyua mđup brei, brei hlăm gŏ sang). Knơ̆ng bruă ngăn dŏ wăl hdĭp mda čar Lâm Đồng ăt mâo hră mơar gĭt gai Adŭ bruă ngă hră mơar lăn ala ktuê dlăng jih hră mơar ngă hră yua lăn leh anăn dôk kpăh đuôm kyua gun kpăk kơ klei čiăng mkŏ mjing êlan klông. Ksiêm dlăng hră mơar, mbha klă klơ̆ng; mdei êjai mă hră mơar yua lăn êla mâo klei gĭt gai mơ̆ng Knơ̆ng bruă sang čư̆ êa čar. Dŭm bruă anei brei hluê ngă mtam leh ananw hưn hŏng Khua knơ̆ng bruă êlâo hruê 10/6/2021.

Pô mblang: H’Zawut Ƀuôn Yă