VOV4.Êđê - Aguah mbrue (23/6) phung čih klei mrâo, dŭm anôk bruă klei mrâo, sang mđung asăp, mđung rup gưl dlông lehanăn alŭ wăl dôk hlăm čar Lâm Đồng kčưm bi tlŏ vaccine gang mkhư̆ klei ruă tưp covid 19 aruăt tal sa ti sang êa drao prŏng Lâm Đồng. Hlăm anăn, mâo 33 čô mnuih mơ̆ng dŭm anôk bruă Thông tấn, bruă klei mrâo, sang mđung asăp, mđung rup gưl dlông dôk hlăm čar, lehanăn 55 čô mnuih ngă bruă mơ̆ng Sang mđung asăp, mđung rup Lâm Đồng. hrue anei (24/6), phung knuă druh, phung čih klei mrâo hră klei mrâo Lâm Đồng hŏng 47 čô mnuih ăt tlŏ vaccine gang mkhư̆ klei ruă tưp Covid 19 aruăt tal 1 ti anôk bruă kiă kriê klei ruă čar./.

Y Khem pô mblang