VOV4.Êđê- Hluê ngă hdră “Hdĭp êđăp ênang, ksiêm dlăng tŭ dưn klei ruă Covid 19” hluê Hdră mtrŭn 128 mơ̆ng Knŭk kna, čar Lâm Đồng dôk mtrŭt mđĭ hdră tlŏ vaccine kơ mnuih ƀuôn sang. Truh ară anei, čar Kon Tum dưi mkăp leh êbeh 1 êklăk 500 êbâo hnơ̆ng vaccine gang mkhư̆ klei ruă Covid 19. Čar bi leh 20 gưl tlŏ mgang lehanăn dôk hluê ngă hdră tlŏ mgang gưl 21.

Hŏng hnơ̆ng vaccine anei, Lâm Đồng dưi tlŏ leh aruăt tal 1 kơ 96,2% ênoh mnuih, aruăt tal 2 mâo 44% kơ mnuih mơ̆ng 18 thŭn kơ dlông. Hluê si Knơ̆ng bruă mdrao mgŭn čar Lâm Đồng, êngao kơ mnuih mơ̆ng 18 thŭn kơ dlông, čar dôk mâo hdră kčah tlŏ vaccine kơ phung hđeh mơ̆ng 12 truh kơ 17 thŭn. Mbĭt hŏng bruă mtrŭt mđĭ hdră tlŏ vaccine, dŭm hdră msir hdĭp êđăp ênang, ksiêm dlăng tŭ dưn klei ruă Covid 19 ăt mâo mđing dlăng lehanăn mtrŭt mđĭ hluê ngă./.

Pô mblang: H’Nêč Êñuôl