VOV4.Êđê - Aguah hruê 5/7, Anôk ksiêm dlăng klei ruă tưp čar Lâm Đồng tŭ mă leh êbeh 50.350 kdrăp ksiêm dlăng pral kman Sar CoV2 mơ̆ng sa anôk bruă duh mkra đru kơ čar. Kdrăp ksiêm dlăng pral kman Sar CoV2 anei mâo Phŭn bruă mdrao mgŭn tŭ ư dưi ba yua, mâo boh tŭ dưn djăp hnơ̆ng čuăn mơ̆ng Êpul bruă mdrao mgŭn tar rŏng lăn mâo Anôk bruă mdiăng tuê Phương Trang blei mơ̆ng Hàn Quốc mđup brei kơ čar Lâm Đồng mkăp kơ hdră gang mkhư̆ klei ruă Covid 19.

Hluê si Nguyễn Quốc Minh, Khua Anôk ksiêm dlăng klei ruă tưp čar Lâm Đồng, bruă dưi tŭ mă dŭm kdrăp ksiêm dlăng kman pral anei mâo boh tŭ yuôm bhăn, mkăp kơ hdră gang mkhư̆ klei ruă Covid 19 ti alŭ wăl. Leh mâo tŭ mă, alŭ wăl srăng kah mbha kơ dŭm anôk bruă djŏ tuôm hlăm čar kñăm mđĭ boh tŭ hdră ksiêm dlăng kman, đru rơ̆ng kjăp hdră gang mkhư̆ klei ruă tưp./.

H Nêč pô mblang