VOV4.Êđê- Knơ̆ng gĭt gai lĭng kahan răng mgang knông lăn mrâo leh hră ba m’ĭt kơ dŭm êpul êya hlăm Knơ̆ng gĭt gai lĭng kahan lehanăn Knơ̆ng gĭt gai lĭng kahan răng mgang knông lăn dŭm čar mâo êlan knông lăn lŏ hyuă kjăp bruă hiu suang dlăng, ksiêm dlăng êlan knông lăn kñăm gang mkhư̆ klei ruă Covid 19.

Hluê anăn, mtă kơ êpul kahan răng mgang knông lăn dŭm alŭ wăl bi hgŭm kjăp hŏng klei dưi mtrŭt mđĭ hdră bruă jih jang mnuih ƀuôn sang kčŭt hưn phung soh, phung tlĕ mŭt hlăm ala čar Việt Nam soh hdră bhiăn mâo Khua knŭk kna mtrŭt mjhar, iêu mtrŭt ngă bruă wăt mơ̆ng anôk bruă kđi čar, jih jang mnuih ƀuôn sang hluê ngă hŏng sa hdră kluôm ênŭm, kjăp ktang, tŭ dưn hlăm hdră gang mkhư̆ klei ruă tưp; rơ̆ng kjăp klei êđăp ênang ala čar, klei êđăp ênang ala ƀuôn krĭng knông lăn. Pŏk ngă tŭ dưn hdră mă bruă, thâo klă lehanăn dưi đăo knăl boh klei dôk mâo, kriê dlăng kjăp alŭ wăl, mnuih, dŭm êpul bruă kreh atăt mnuih tlĕ mŭt kbiă hlăm ala čar ti krĭng knông lăn soh hdră bhiăn čiăng čih mkra hdră ngă bruă, bi mklă dŭm mta bruă mâo, bi kdơ̆ng tŭ dưn, êđăp ênang hŏng djăp klei mâo./.