VOV4.Êđê - Leh hmư̆ klei hưn, ƀuôn prŏng Gia Nghĩa bluh mâo klei ruă Covid 19 hlăm êpul êya yang ƀuôn, mlam hruê 22/7, Hồ Văn Mười – Khua anôk bruă sang čư̆ êa čar Dak Nông ba mdah leh Klei bi mklă kơ bruă ba yua dŭm hdră mjêč hlăm hdră gang mkhư̆ klei ruă Covid 19 ti alŭ wăl. Hluê anăn, čar Dak Nông bi mklă kwang dar kăm mkhư̆ kluôm ƀuôn prŏng Gia Nghĩa mơ̆ng 12h hruê 23/7 lehanăn hluê ngă kjăp Asăp mtrŭn mrô 16 mơ̆ng Khua knŭk kna. Hlăm mlam hruê 22/7, dŭm anôk bruă, êpul êya dôk ti ƀuôn prŏng Gia Nghĩa mtă leh kơ jih jang knuă druh, mnuih mă bruă dôk ti anôk bruă nao ksiêm mkă kman Sar CoV2.

Truh aguah hruê 23/7, čar Dak Nông lŏ mâo 8 čô djŏ klei ruă Covid 19, hlăm anăn mâo 6 čô ruă ti ƀuôn prŏng Gia Nghĩa lehanăn 2 čô ruă ti anôk bi ktlah ti kdriêk Dak Rlâp. 6 čô ruă Covid 19 ti Gia Nghĩa jing F1 mơ̆ng pô ruă mrô 72764 (mâo ung, anak mniê, mtâo mniê, čô lehanăn 2 čô riêng gah) dưi ba bi ktlah ti anôk bi ktlah ƀuôn prŏng mơ̆ng hruê 22/7. Tĭng truh ară anei, čar Dak Nông mâo leh 27 čô ruă Covid 19./.

HNêc pô mblang