VOV4.Êđê - Hrue 27/9, knơ̆ng bruă mdrao mgŭn Daklak hưn lŏ mâo 2 čô mnuih djiê kyua klei ruă tưp covid 19, mđĭ ênoh mnuih djiê kyua klei ruă anei hlăm čar jing 15 čô mnuih. Mơ̆ng anăn, pô djiê tal êlâo jing mniê 93 thŭn ti wăl krah Quảng Phú, kdriêk Čư̆ Mgar. Hmao ƀuh gơ̆ mâo kman klei ruă tưp mơ̆ng hlăk hrue 4/9.

Êdei 21 hrue dôk mdrao mgŭn jih ai tiê, bi êwa hŏng masin, kar êrah nanao, ƀiădah kyua klei ruă đuĕ nao kơ kjham, dlưh ai dưi bi êwa, mâo klei ruă kjham hlăm ksŏ kbiă hriê mơ̆ng kman sar CoV 2, dlưh kboh, ai awăt thŭn khua... snăn truh kơ djiê. Tal dua jing mniê mơh 67 thŭn, ti ƀuôn hgŭm An Bình, wăl krah Ƀuôn Hồ. Thâo pô ruă anei mâo kman sar cov 2 mơ̆ng hrue 16/9. Leh 11 hrue dôk mdrao mgŭn, ƀiădah kyua dlưh ai dưi bi êwa, klei ruă đuĕ nao kjham hĭn kyua sar CoV 2, asei êmŏng mơh, mnuih ruă truh djiê. Hrue mbrue, Daklak hưn lŏ mâo truh 14 čô mnuih mâo klei ruă tưp Covid 19./.

Y Khem pô mblang