VOV4.Êđê - Aguah mbruê (23/7), lŏ thiăm truh 1 êklăk 228 êbâo 500 hnơ̆ng vaccine AstraZeneca ba truh leh kơ ƀuôn prŏng Hồ Chí Minh. Anei jing gưl tal êlâo jao vaccine tal 5 lehanăn hŏng ênoh prŏng hĭn mơ̆ng êlâo dih truh kơ ară anei, tui si klei kuôl kă blei êa drao plah wah AstraZeneca Việt Nam lehanăn knơ̆ng bruă vaccine Việt Nam. Snăn yap truh kơ ară anei leh mâo kuôl kă hlăk mlan 11 thŭn 2020, mâo ba leh truh kơ Việt Nam êbeh 3 êklăk 100 êbâo ênoh vaccine, jing knar hŏng 37% hnơ̆ng ênoh vaccine Covid 19 mơ̆ng AstraZeneca hlăm ala čar. Ênoh adôk tui si hdră mơ̆ng COVAX, lehanăn klei bi đru dua nah plah wah knŭk kna dŭm ala čar. Tui si aduôn Vũ Thị Thu Hà, khua kiă kriê bruă tlŏ mgang kơ anăp, dŭm êklăk vaccine gang mkhư̆ klei ruă tưo covid 19 mơ̆ng AstraZeneca srăng lŏ ba truh kơ Việt Nam tui si klei kuôl kă blei 30 êklăk hnơ̆ng vaccine./.

Y Khem pô mblang