VOV4.Êđê - Aguah mbrue (23/7), Khua bruă kƀĭn ala Vương Đình Huệ kiă kriê klei bi kƀĭn hŏng dŭm êpul êya, phŭn dhar bruă djŏ tuôm bi ksiêm jih jang bruă, mă klei hriăm mơ̆ng bruă mkŏ mjing leh 4 hrue bi kƀĭn tal êlâo. Mơ̆ng klei trông čhai ti anôk bi kƀĭn anei, êjai dôk găn klei ruă tưp Covid 19, hlăk dleh dưi ksiêm dlăng ti lu alŭ wăl, lu phung bi ala bruă kƀĭn ala mâo leh klei akâo kơ bruă kƀĭn ala bi êdah klei mĭn klă mngač hlue ngă dŭm klei klah čŭn, asăp mtrŭn mơ̆ng phŭn bruă kđi čar, dŭm asăp mtrŭn mjêč mơ̆ng Êpul khua kiă kriê, lehanăn hrăm mbĭt hŏng knŭk kna hlăm bruă mdrơ̆ng hŏng klei ruă tưp. Khua bruă kƀĭn ala Vương Đình Huệ tŭ ư kơ bruă kƀĭn ala amâo srăng mâo hdră mtrŭn hjăn ôh kơ bruă mdrơ̆ng hŏng klei ruă tưp, msĕ hŏng klei bruă kƀĭn ala lŏ thiăm mbŏ kơ hdră bi kƀĭn tal sa hŏng bruă anei. Knŭk kna srăng mkra hră mdah, kơ anôk bruă kƀĭn ala mâo klei ksiêm dlăng čiăng kơ bruă kƀĭn ala bi mklă, trông čhai lehanăn mâo dŭm boh phŭn mdưm hlăm hdră mtrŭn mbĭt hlăm klei bi kƀĭn tal sa, mâo klei bi tŭ ư bi klă hlăm wưng bi ruĕ klei bi kƀĭn./.

Y Khem pô mblang