VOV4.Êđê- Klei hưn mơ̆ng Sang hră ksiêm hriăm bruă mdrao mgŭn lĭng kahan (Phŭn bruă lĭng kahan), leh tlŏ aruăt tal 2 kơ 1 êbâo čô ba anăp (gưl 3a), aguah hruê 27/7, dŭm anôk bruă ksiêm dlăng kơ vaccine Nano Covax gang mkhư̆ Covid 19 wưng tal 3 pŏk leh hdră lông tlŏ aruăt tal 2 kơ 12 êbâo čô ba anăp (gưl 3b). Êlâo kơ tlŏ, phung ba anăp brei hưn mthâo klei suaih pral, ksiêm mkă dlăng mâo djăp klei suaih pral kơh dưi tlŏ. Êlâo anăn, 13 êbâo čô ba anăp (gưl 3a lehanăn 3b) tlŏ leh aruăt tal êlâo vaccine Nano Covax hlăm hruê 14/7; lehkơnăn, 1 êbâo čô ba anăp (gưl 3a), tlŏ leh aruăt tal dua hlăm hruê 22/7. Phung ba anăp suaih pral, amâo mâo klei bi êdah amâo jăk ôh. Hruê 15/8 kơ anăp, tĭng srăng bi leh hdră tlŏ aruăt tal 2 mơ̆ng wưng tlŏ tal 3./.

Pô mblang: H’Nêč Êñuôl